當文歷餅店 by Dominique Ansel (Closed)

行過當文歷，總會俾佢嘅香港特色甜品吸引。今日拎住海港城Dining B coupon，終於來試一試佢嘅甜品。每件甜品差唔多都要$65，價錢偏貴。可能因為coupon就來到期，好多人排隊。叫咗冬瓜盅，菠蘿包和檸檬茶。外賣返屋企當甜品，檸檬茶已經散左，所以冇影相。冬瓜盅味道一般的，朱古力皮不會太甜，有淡淡的奶味。香茅慕絲唔係太食到，班蘭味是有的，整體來說，可說是有趣，以甜品來說，味道略嫌太淡。相比之下，菠蘿包除了賣相好看，味道亦十分出色。上面標題是餅店對蛋糕的描述，有幾樣我也不清楚是什麼。不過每一口咬下去，都感到層次非常豐富。上層是軟綿綿的，𡁻𡁻下會滲出熱情果的香氣，偶然會咬到熱情果核，脆脆的。當上層的慕絲融化掉，剩下椰絲，需要再花一點時間咀嚼。正因如此，口感層次豐富。總結， 60多元一件蛋糕，價錢略貴，但份量是十足的。用上coupon，也挺划算。