Video
Read full review
2023-07-14
64 views
逾百年歷史既和昌大押係灣仔其中一橦標誌建築，而係地鋪進註左一間無論裝潢定食物都高質素既意大利菜- Crust Italian。除左單點餐牌上意粉、pizza等菜式，逄星期二晚仲有任食生蠔既海神之夜Oysteria Night，啱哂我地蠔怪夫婦！每位$688可以係120分鐘內任食生蠔之餘，仲附上唔同種類canapes，性價比高。同老公仲加左$150 Franciacorta DOCG free flow，微微烤麵包香氣同生蠔好配合首先上枱既係生蠔，每盤大概有6-7隻，肉質都幾飽滿而且夠新鮮，鮮甜得黎礦物味唔會太搶。生蠔order黎得幾快，甚至有1,2次係店員主動refill，好貼心！除左最常見食法用鮮檸檬汁，呢度既mignonette醋汁亦好好味，推薦！意想不到南意海鮮盛宴Seafood Canapes放係一個藍色珊瑚型托盤上枱，非常吸睛，內容亦好有誠意！最鍾意甜菜根漬三文魚生同青蘋果吞拿魚乳酪他他，用唔同食材提高海鮮本身鮮味。迷你莫札拉芝士鯷魚沙律同香烤紅醬八爪魚串串就比較鹹香味濃，仲有南意小食脆炸沙甸魚仔，估唔到canapes都有咁多花款！
每位$688可以係120分鐘內任食生蠔之餘，仲附上唔同種類canapes，性價比高。同老公仲加左$150 Franciacorta DOCG free flow，微微烤麵包香氣同生蠔好配合
首先上枱既係生蠔，每盤大概有6-7隻，肉質都幾飽滿而且夠新鮮，鮮甜得黎礦物味唔會太搶。生蠔order黎得幾快，甚至有1,2次係店員主動refill，好貼心！除左最常見食法用鮮檸檬汁，呢度既mignonette醋汁亦好好味，推薦！
意想不到南意海鮮盛宴Seafood Canapes放係一個藍色珊瑚型托盤上枱，非常吸睛，內容亦好有誠意！
最鍾意甜菜根漬三文魚生同青蘋果吞拿魚乳酪他他，用唔同食材提高海鮮本身鮮味。
迷你莫札拉芝士鯷魚沙律同香烤紅醬八爪魚串串就比較鹹香味濃，仲有南意小食脆炸沙甸魚仔，估唔到canapes都有咁多花款！
Post
