板卷 (Closed)

今日叫左一板海膽勁少又貴仲有怪味，　買過呢間好多次，第一次唔知，點左好多款刺身啦，鯛魚呀 劍魚腩呀等等，點知款款都無本身既魚味，片片都有啲消毒水洗潔精咁既味，尤其鯛魚特別明顯！但係壽司上既生魚片比起刺身仲新鮮啲（雖然都只係普通新鮮，但佢壽司平，一分錢一分貨～）　後尾我次次都點‘’極上海膽手卷$84‘’同埋其他壽司，一直都覺得呢個價錢 佢既手卷同壽司真心唔錯，　但今日再落單，突然想食多啲海膽唔想食咁多飯，平時‘’極上海膽手卷‘’$84蚊，啲海膽好新鮮又多，諗住直接叫一板海膽刺身應該唔會太差掛？點知就出事　今日就直接叫左 一板海膽$130蚊，點知啲海膽少到可憐 只有薄薄一層，仲要好零碎，有一半好黑唔新鮮，如圖！食落啲味仲要係屎渠+洗碗精咁，真係勁失望同噁心！　點解反而‘’極上海膽手卷‘’平咁多，但海膽份量差唔多 手卷上既海膽仲新鮮好多？好唔合理啊！　失望到爆🥲呢海膽咁樣既質素都出單…..其他壽司無咩問題