桜

Open Now

Now Closed

元朗真係好多壽司手卷店，多到會令到你係6度凍到震既天氣都會不自覺地想食番件。每次經過櫻手卷都總會見到門口企左不少等食物既客人，而櫻手卷主要係賣手卷，刺身既。今日終於去試下到底係咪真係咁好食，叫左一個馬冀海膽手卷，一個三文魚手卷，由於天氣太凍所以決定外賣拎番屋企食。拎番屋企都怕紫菜會變淋，但番到屋企打開發現紫菜原來係獨立包裝，食既時候先自行拆開包住飯團，感覺衛生而且可以keep到紫菜既脆感。另外要讚既係手卷既飯拎上手仲係微微暖，唔會話冰凍，食落口仲係軟硬適中，食得出唔係擺左好耐擺到硬晒又凍晒既飯。屋企人叫既馬冀海膽食到鮮甜，唔會有腥味，連我唔係特別喜好海膽都覺得可以一戰。仲比人怪我咬得太大啖食晒添呀！三文魚手卷雖然唔係好味到哇一聲，但都有好香既魚油味，最重要係食落唔係冰凍既口感，最怕就係食d凍冰冰既三文魚。整體黎講呢間手卷出品唔錯，價錢唔係話最平，但出品對得住個價錢，下次有機會一定再試。