奏鐵板燒日本料理 (Closed)

對上星期同班朋友去開呢邊吃飯，呢間睇落幾好既日本餐廳，睇個餐牌，價錢又唔係話好貴，今日就同朋友黎左食野。我地叫左份魚生埋２份午餐食。魚生我中意佢既生蠔，好甜，有海水味～海膽亦都好鮮甜，因為我平時唔多食海膽，成日覺得好似食泥，呢度既海膽我就幾欣賞既。我同朋友一人叫左一個飯食份量其實係由價錢果度已經睇得出唔會好大份。不過我朋友食得好開心，亦都岩岩好滿足左佢既胃。由於我份午餐對我黎講只夠７成飽，所以蠔同埋海膽都係我食既！唔知係咪食少少特別吊胃口，下次收工同朋友再食真個晚市佢先！