海膽仔

Open Now

Now Closed

黎到新蒲崗咁遠，當然係食特色日本菜。海膽仔打正食海膽嘅名號，除咗海膽類，仲有其他魚生丼、拉麵、便當。價錢合理，由$5X- $12X，樣樣睇落都好正，令選擇困難症又發作。諗咗一陣，既然黎到就食個視覺效果爆棚嘅混合海膽沾麵。沾湯底好厚身，以南瓜為base，配合埋海膽，令個沾湯食落有淡淡嘅海膽味。麵質粗度中等，沾落海膽湯時亦會沾到海膽碎！海膽碎增加清新嘅甜味。沾麵足足有4隻蝦，亦唔少得流心蛋。朋友叫咗海膽三色丼，賣相好澎湃，有海膽、吞拿魚腩蓉同埋三文魚子。海膽食落去有厚度有口感。鍾意一片片食海膽嘅人應該比較鍾意食丼飯。吞拿魚都好新鮮。用料絕對唔孤寒，有咁多刺身拌飯，朋友都清晒成碗。最後加配埋兩支童年回憶嘅波子汽水就perfect，一支西瓜、一支菠蘿味。店員好細心咁樣幫我地準備紙巾，同埋提示開嘅時候會流汽水。