Video
Read full review
2015-12-06
1194 views
我份人好怕熱氣，所以食炸物之前，必須會諗過度過，覺得值得犧牲先會食。而Camden Town既炸魚薯條，就係其中一道經過我精密既計算之後，仍然覺得值得犧牲既熱氣美食。Camden Town(肯頓市集)本身係英國既地方，所以西貢既呢間餐廳，都明顯都係提供英式食物，最出名既係牛肉漢堡bell同炸魚薯條。餐廳位於海傍街，只要向住海鮮牌坊繼續向入面行就會搵到。同出面嘈喧巴閉既海鮮檔好唔同，Camden Town好靜局，兼對正無敵海景，如果假日想黎西貢hea、舒舒服服咁休息下，可以黎呢度揀個戶外座位，叫番D小食。必點牛肉包($35)。包中間既牛肉並唔係買番黎既掟死狗漢堡扒，而係新鮮手打牛肉，加上洋蔥粒調味，好juicy；麵包經過烤焗，好脆；我通常會加片芝士($5)添，鹹鹹地又有營，好味！黎到「英國」，又點可以唔試炸魚薯條(細既兩件魚$70；大既三件魚$100；之後想再多舊魚，每舊$25)？炸魚薯條外層炸到好脆，入面既魚好滑，好味到無倫；醬料係他他汁(簡單可以理解為洋蔥沙律醬)，酸酸甜甜，好開胃，呢個醬真係好好味，我仲鍾意用佢黎點薯條，所以要慳住食，因為再要他他汁係要每碟收費既($10)。除他他汁
Camden Town(肯頓市集)本身係英國既地方，所以西貢既呢間餐廳，都明顯都係提供英式食物，最出名既係牛肉漢堡bell同炸魚薯條。餐廳位於海傍街，只要向住海鮮牌坊繼續向入面行就會搵到。同出面嘈喧巴閉既海鮮檔好唔同，Camden Town好靜局，兼對正無敵海景，如果假日想黎西貢hea、舒舒服服咁休息下，可以黎呢度揀個戶外座位，叫番D小食。
必點牛肉包($35)。包中間既牛肉並唔係買番黎既掟死狗漢堡扒，而係新鮮手打牛肉，加上洋蔥粒調味，好juicy；麵包經過烤焗，好脆；我通常會加片芝士($5)添，鹹鹹地又有營，好味！
黎到「英國」，又點可以唔試炸魚薯條(細既兩件魚$70；大既三件魚$100；之後想再多舊魚，每舊$25)？炸魚薯條外層炸到好脆，入面既魚好滑，好味到無倫；醬料係他他汁(簡單可以理解為洋蔥沙律醬)，酸酸甜甜，好開胃，呢個醬真係好好味，我仲鍾意用佢黎點薯條，所以要慳住食，因為再要他他汁係要每碟收費既($10)。除他他汁，我仲會點多個青豆蓉($15)，其實製法好簡單，就真係將青豆打成蓉，無乜調味，但就正正係咁，保留左青豆既原味，我好鍾意呢種味道，感覺好清新健康。
平時我會叫燒魷魚，係用原條魷魚去燒，好厚肉，有鮮味，不過有無得食睇彩數，餐廳未必日日入貨。咁我今日想試青口，就無理有無魷魚，結果呢個白酒忌廉煮青口($100)都完全無叫我失望，青口細細隻，好新鮮，夠creamy，完全無渣無腥味，好得；惟一係個汁稍為稀左，如果可以杰番少少仲好，用黎點麵包食一流(不過我睇過，呢度係無齋包叫架)。Post
