鮨玥 (Closed)

今晚去咗西灣河海邊餐廳鮨玥⛩，一坐低就嚟兩杯冰凍三得利神泡生啤🍻。我哋一人一個丼，分別係海三色丼同角切海鮮丼🍱。材料豐富，厚切三文魚同油甘魚刺身，仲有鮮蝦刺身同各種角切海鮮，賣相非常吸引🍙。另外再叫一客本鮪壽司盛，有本鮪赤身，中本、大本鮪魚腩，油脂豐厚、口感綿密，順序食，一口比一口肥美🍣。今晚好幸福，再叫咗兩隻特大北海道厚岸蠔🦪，150g一隻咖，一啖都食唔晒！等等，好似未有熟食喎。🎏再嚟煎得非常金黃香脆嘅日本花魚一夜干，油花分布均勻，散發濃郁的魚油香氣，連魚骨都食得🍤；生燒白鱔，魚皮香脆，魚肉煙韌嫩滑 🍢。大滿足呀！🈵