Video
Read full review
2021-10-20
196 views
今日同女朋友兩個都番工番得太攰啦，兩個人都唔想咁早起身出街，結果等到我地都自然醒先出門口。呢間小店開左都一段時間，中午行過都好多人食，又唔鐘意排隊，所以一直都無試過😅今日呢個時段兩三點真係非常好，無人等位真係一流，入到去最入面有一排吧枱係望到出面，超級正！天氣十分好，完美！！！😍呢間餐廳叫小茶角係有原因：小—地方較小茶—有好多茶類飲品角—牛角包呢一類小店都有個共通點，就係好有心機做好每一樣食物，款式唔算多但係兩款食物都絕對對得住價錢✨牛魔王酥脆既牛角包配芝士同漢堡，加上清新既配菜，層次豐富。熱辣辣牛角包一咬落去就一層一層咁碎開好好味呀，唔知仲會唔會係佢地自己做？就算係現成，會將包翻熱已經唔係咁多餐廳肯做。隔離既薯角一樣都夠熱夠脆，出餐時間有夾過。係講求速食既香港入面，睇得出店主落足心機咁做好每件食物！珍寶小茶角一個咁美好放鬆既下午，配番個All Day Breakfast絕對係一個好選擇。呢份餐點用黎打卡真係無得輸，金色餐具搭配色彩豐富而且營養十足既食物充份勾起左人既食欲。每樣食物既溫度都恰到好處，熱盤夠熱，冷盤唔會一早拎出黎放到暖哂。雖然食物味道唔會令人感到驚豔，但再一次為店家用心而
今日呢個時段兩三點真係非常好，無人等位真係一流，入到去最入面有一排吧枱係望到出面，超級正！天氣十分好，完美！！！😍
呢間餐廳叫小茶角係有原因：
小—地方較小
茶—有好多茶類飲品
角—牛角包
呢一類小店都有個共通點，就係好有心機做好每一樣食物，款式唔算多但係兩款食物都絕對對得住價錢✨
牛魔王
酥脆既牛角包配芝士同漢堡，加上清新既配菜，層次豐富。熱辣辣牛角包一咬落去就一層一層咁碎開好好味呀，唔知仲會唔會係佢地自己做？就算係現成，會將包翻熱已經唔係咁多餐廳肯做。隔離既薯角一樣都夠熱夠脆，出餐時間有夾過。係講求速食既香港入面，睇得出店主落足心機咁做好每件食物！
珍寶小茶角
一個咁美好放鬆既下午，配番個All Day Breakfast絕對係一個好選擇。呢份餐點用黎打卡真係無得輸，金色餐具搭配色彩豐富而且營養十足既食物充份勾起左人既食欲。每樣食物既溫度都恰到好處，熱盤夠熱，冷盤唔會一早拎出黎放到暖哂。雖然食物味道唔會令人感到驚豔，但再一次為店家用心而感嘆。
珍珠奶茶
呢兩年無得去旅行，好掛住台灣呀～呢杯奶茶點既方式就令我記起台灣啦，甜度同冰量都好似台式飲品店咁細心，可以揀半糖少糖、半冰少冰微冰，認真體貼同有台灣感覺。而味道就正正常常，珍珠軟硬度都適中。
芝士奶蓋四季春
邪惡既奶蓋配上清爽既四季春，無得輸！！如果鐘意飲芝士奶蓋既朋友唔可以錯過，大大杯，食完野之後慢慢坐住飲非常合適！
Post
