Terrace in seaside (SOHO West)

Open Now

Now Closed

Terrace in seaside喺南昌Soho West開咗新店，環境仲好好，有海景落地大玻璃，放假同老公嚟咗打卡食好野，勁chill😌燒醬油黑毛豬白切肉紫蘇飯 $138之前見到人打卡已經覺得好吸引，果然冇令我失望，燒醬油黑毛豬白切肉層層分明，但係肥嘅部份完全唔會膩，肉嘅部份入味而且嫩嫩，仲有充滿膠原蛋白嘅QQ豬皮添。飯嘅部份一樣正，撈咗少少辣醬嘅紫蘇飯好惹味，令人一啖接一啖咁食，停唔到。粒粒魚籽與三文魚蛋黃醬飯卷 $108呢個飯卷好精緻，上面有三文魚子同埋三文魚沙律，飯卷中間都有好多料，有牛蒡、青瓜、蛋、醃蘿蔔等等，材料豐富，味道清新，好啱咁熱嘅天氣食。芒芒夏日芒果窩夫 $108呢個又係打卡一流，賣相好澎湃，厚厚嘅窩夫加上瀑布嘅鮮奶忌廉，中間仲要夾住好多芒果肉，真係邪惡。窩夫新鮮整起仲係熱嘅，加上又滑嘅鮮奶忌廉同埋酸甜酸甜嘅芒果果醬同埋果肉，一啲都唔會膩，好好食。濟州柑橘乳酪$68呢杯signature飲品一定要試吓啦，乳酪加上濟州柑橘果肉好清新。人生迷芒的芒果沙冰 $68呢杯都好靚，又係相機影先，芒果沙冰香甜，仲有半個芒果肉添，有得飲有得食。