蟹仙粉潮食館

Open Now

Now Closed

平時都好鍾意食海鮮，但講到想食海鮮本身鮮味，蒸氣海鮮鍋絕對不二之選。餐廳位於銅鑼灣，地點方便環境舒適，最好既地方係職員會幫手蒸熟海鮮，時間搵制得啱啱好。加拿大野生虎蝦鮮甜爽彈，肉汁豐富。韓國斧山珍珠蠔及台灣九孔鮑魚蠔味濃郁，蒸完都冇縮水。鮑魚清洗得好乾淨，食落完全唔韌，好容易咬開。黃金翡翠螺及蟹黃大元貝翡翠螺越咬越多汁，乾淨冇沙。元貝大大隻，加上少少蟹黃鮮味更上一層樓，非常推薦。大西洋野生青口職員細心提醒唔需要落其他醬汁，海水味較重，厚肉味濃。太平洋饅頭蟹主要品嚐蟹膏，比平時蟹膏更香更鮮甜。奄仔蟹及澳洲青年龍蝦奄仔蟹厚肉爆膏，肉質非常細嫩，控制火候剛好。龍蝦啖啖肉，得半隻覺得有啲唔夠喉，非常回味。