海宴樓 (Closed)

是咁的，朋友很想食海鮮發現了這間專食本地海鮮的酒樓但我係唔食貝類的，雖然無法「拾命奉陪」但好在酒樓亦有其他唔係貝類的選擇可以滿足大家不同的需求先來飲個「有氣礦泉水燉白肺湯」湯燉到變咗奶白色，味道非常濃郁味美集合晒所有湯渣的精華湯渣雖然燉到出晒味但食落不會好鞋，仍能保持到食材原來的口感非常補身及美味的一道湯邊個話海鮮只係得貝類？！「椒鹽鮮魷」雖然簡單，但絕對係好考功夫的一道菜鮮魷外層包住薄薄的粉漿，內裡鎖住肉汁不用點汁亦超級鮮味鮮嫩的鮮魷，再上外層炸得香脆的粉漿口感豐富，食到一條接一條，停唔到口另一道香口食物是「避風塘糕蟹」香口的乾蒜味完全地迫入咗糕蟹內就算是一向好難入味的蟹鉗都佈滿濃郁的香味進一步將蟹肉的鮮甜味引出來啖啖肉的蟹鉗當然係我的首選另一道不是海鮮的選擇是「紅酒燴牛尾」用上各種新鮮蔬菜一同燴煮，醬汁極度鮮甜配上烤得十級香脆的蒜蓉包，簡直好食到停唔到口牛尾同樣好精彩，牛肉煮得非常軟淋同平時茶餐廳煮到肉質硬梆梆的牛尾真係差天同地而且牛肉吸收咗醬汁的香味，超級滋味因為我無得食貝類，朋友驚我唔飽最後要多個「瑤柱蛋白炒飯」飯粒炒到粒粒分明，亦好乾身，非常有鑊氣