Gastrobox by Okapi Cafe (Closed)

去西貢吹吹風，除咗食海鮮之外，都會去食西餐。已經係第二次幫襯Okapi, 第一次食過之後印象唔錯。今次去到，上下層已坐滿，要等等位，經理安排我地去後園坐。等咗10分鐘就有枱，仲係sofa 位添，舒服！睇睇午餐牌，好似無轉過喎。我要咗鮮茄海鮮扁意粉, 媽要咗西西里海鮮五色飯，而爸就鍾情香腸。餐湯係青豆湯，我本身唔鍾意食青豆，但青豆已打成茸，亦無青豆嘅青味，好易入口，加咗忌廉，所以好滑。鮮茄海鮮扁意粉，十個like!!!鮮茄汁味道好raw, 份量又多，食到尾都仲有汁，絕對唔會乾爭爭。扁意粉十分彈牙，軟硬適中；海鮮好多，有魷魚、魚、蜆、青口同蝦。當中以蜆最為出色，鮮味十足又無沙！我都好鍾意媽嘅西西里海鮮五色飯，好香好濃，加入忌廉煮成，所以好creamy~海鮮一樣多。環境都好好，坐得好舒服！服務不過不失，雖不算殷勤，但都有禮。