潮福蒸氣石鍋 (Closed)

今日同朋友去食蒸氣火鍋， 見openrice評價唔錯， 所以決定試下。我哋之前打電話已預約咗， 入到去入面都幾大。 我哋入去坐完之後再去拎醬料，之後就有前菜食，有酸羅白，青瓜，雲耳，食完又會refill， 食完都ok開胃。話明係任食, 首先佢都有啲海鮮,系纸入面揀4項。之後，每人仲送一壺燉湯, 仲有龍蝦同乳鴿。之後全程不斷食食食， 我哋張枱側邊有個侍應不斷招呼我哋, 啲嘢食送入嚟之後 佢就幫我哋咁時間, 之後熟喇仲幫我哋將嗰啲海鮮放喺每個人碟上。因為啲海鮮好新鮮 同埋蒸完熱喇喇，所以真系几好食。 其實呢度有限時,不過最後 我哋overrun咗佢地都冇趕走我地。好好食，下次会再黎。