棠記海鮮小廚

Open Now

Now Closed

今日三點幾係屯門行完山，攰攰地想食個tea補充下體力，咁岩醒起三聖邨出名食海鮮，我地就去到三聖既海鮮檔買左少少海鮮係附近加工，呢間餐廳既加工費係每款每斤$75，價錢都幾公道，我地決定由廚師發辦點煮，結果都幾岩我地既口味。豉椒炒蜆蜆處理得好好，完全無沙，豉椒醬汁非常惹味，炒得好夠鍋氣，蜆肉非常鮮嫩。避風塘炒瀨尿蝦避風塘配料好足，瀨尿蝦炸得好香脆 ，火喉控制得好好，蝦肉夠曬juicy，辣味浸曬入蝦肉到，辣辣地越食越開胃。芝士脆皮焗龍蝦一上枱已經香氣撲鼻，入口脆卜卜啖啖芝士味，龍蝦肉爽口彈牙，食完好想再encore。