感 (Closed)

年28 同屋企人上去食團年飯, 早一日訂左個海鮮塔, 老實講賣相同韓國無得比(人地9 層高呀), 但食落都唔太差喎, 食得出全部都係新鮮野, 起碼唔會俾雪蝦你, 阿媽仲話街市D 海蝦而家好貴架.....一上檯就教定鬧鐘等十零分鐘等食, 好似小學生等食飯咁, 睇住佢起自己面前蒸都幾得意...第一層海蝦, 12隻全部穿起哂, 方便進食, 幾細心唔錯, 蝦唔算大隻但鮮甜, 外面仲有D 人參雞湯味...第二層花甲, 份量好多喎, 都係新鮮野, 夠甜...第三層鮑魚, 元貝, 每樣4 隻, 啖啖肉...第四層蟹, 有3 隻, 不過好細隻, 但味道都係鮮甜...第五層人參雞湯, 呢個係精華所在, 因為D 汁滴哂落去, 好味...另外細佬話想叫左碟炸雞試下, 呢個賣相幾靚, 但因為上檯果陣我地個個都食緊海鮮, 無手影相, hehe...但呢個真係要俾個讃, d 雞好滑呀, 細佬即時味吉陽一上身: 好味呀!!!!! hahaha 真低b今晚食得好開心, 連一向挑剔既阿爸都話六百幾蚊食到d 新鮮既海鮮, 算係咁啦, 希望新既一年, 大家都開開心心啦