駒記海鮮大排檔

Open Now

Now Closed

原來喺鵝頸街市附近，有間駒記海鮮大排檔😲，見都幾多人放工嚟食，又有唔少嘅遊客，就一於去試吓啦。餐廳喺街市附近，佢哋用料都幾新鮮，平價至貴價嘅海鮮都可以食。我哋叫咗一碟炒飯、兩個煲、兩個小菜😋。菜粒蛋白炒飯有鑊氣嘅炒飯，要喺呢啲大排檔先至食得到。雖然只係簡簡單單嘅菜粒蛋白，但係一啲都唔馬虎，有足落去炒👍🏻秘製沙拉骨食落去酸味味，令人食指大動，而且啖啖肉，餸飯就最啱🤭涼瓜斑腩煲腩片絕對唔係淨係得一兩塊，啲斑腩仲多個涼瓜😂。腩片先放落油炸，再放喺煲入邊，好惹味！啫啫雞煲雞煲用料都好足，有少少骨，餸飯最啱。如果冬天食，夠晒暖胃😌芥蘭炒牛肉芥蘭用大火去炒，食落去夠爽脆，唔會太老👍🏻。牛肉就有少少鹹，但係餸飯就差唔多。