天空虎嘯

Open Now

Now Closed

晏晝同老婆做完運動後，覺得好精神氣爽，想補充啲營養搵啲海鮮嚟食，於是乎搵吓睇吓邊度有高檔海鮮食。然後搵到呢間「天空虎嘯」，係一間日式專賣海鮮蒸氣火鍋嘅餐廳。呢度環境乾淨，然後侍應好好禮貌，員工做嘢好有效率。望住夜景食晚餐，同老婆有種好浪漫嘅感覺。【正宗阿拉斯加長腳蟹海鮮蒸氣刺身套餐】係佢哋唯一嘅set，然後包咗好多菜式。阿拉斯加長腳蟹畀嘅分量幾多，長腳蟹嘅蛋白質好多，係我哋做完運動好需要嘅營養，然後真係好好食，鮮味好重，同普通蟹有啲唔同。刺身頭盤都係滿滿一大盤嘅蛋白質，每一款海鮮都好新鮮，肉質都好鮮嫩，入面有花龍蝦、加拿大象拔蚌、北海道帶子、法國銀鱈魚、赤身、日本室樽生蠔、酒漬赤蝦，各種海鮮。蘇格蘭刺身帶子好有特色，好好味，海草配西京麵豉令到帶子嘅味道更加豐富，味道唔會單調。龍蝦湯蒸蛋配蟹肉成碗蒸蛋都係濃郁嘅龍蝦同蟹嘅海鮮鮮味，都係好有蛋白質，同時好好味！今次我同老婆食得好開心，下次得閒一定會再嚟，呢度推介畀大家！！