陸陸雞煲火鍋 (Closed)

又係打邊爐時間，今晚同屋企人去了旺角這間陸陸雞煲打邊爐，餐廳有套餐及單點供應，而我覺得最抵食就係這個$298海鮮餐，有雞煲及多款海鮮等，美中不足就是不包飲品。先送上冰鎮花螺，螺肉爽口但有點沙。因為老人家不吃辣，雞煲就要了BB辣，我自己就覺得辣味很輕微，而且帶點甜味，欠了點麻辣香，但為了老人家，無辦法啦，雞肉嫩滑而且份量頗多。食完雞煲會另上一鍋龍蝦湯作湯底，有淡淡蝦膏香味，而且原隻龍蝦、粟米及番茄。海鮮拼盤:包括鮑魚、帶子、貴妃蚌、廣島號、蟶子、海蝦、蜆、魚片及蟹，共九款海鮮，全部都新鮮有鮮甜味，其中蝦肉有兩款，分別是大頭蝦及海蝦，爽口彈牙，鮑魚超級新鮮，肉質又腍又彈牙。肉類有牛肩胛、牛柳粒及豬肉片，牛肉片切得較厚，但肉味濃郁且有咬口，豬肉片就比較一般，比較韌。手打丸有蝦丸、墨丸及豬肉丸，真係鮮打，質感爽彈，尤其是蝦丸。餃子都有五款包括魚皮餃、雲吞、水餃、白菜豬肉餃及韓式泡菜餃，全部都大大隻，泡菜餃比較特別，但最好味都係雲呑。其他還有響鈴、炸魚皮、雜菌及蔬菜，份量十足，大胃王才可以全部食完。