囍慶藝廚酒家 (Closed)

之前睇到報紙廣告，見到囍慶集團有多好抵食的海鮮餐，對海鮮控的我來說立刻心心眼，兩人八道鮮味全包套餐只要$438，好抵食。酒樓環境開揚，枱與枱之間闊落，唔會背貼背，令人坐得非常舒適。 任飲都唔求其，橙汁應該是果汁先生，椰青水則清甜有椰肉，啤酒則採用生力。上湯龍蝦伊麵龍蝦爽口彈牙，而且啖啖肉；伊麵份量十足，而且夾起來是一條條，不是淋Pat pat，抵讚。豉汁蒸鮮元貝元貝新鮮彈牙，用豉汁蒸出來的元貝好治味。白灼九節蝦 蝦隻隻都好大隻，而且蝦頭無黑色的，非常新鮮，爽口鮮甜。清蒸游水海上鮮是日的海上鮮是黃臘倉，用上薑蔥蒸簡單得來可以食出魚本身的味道。勁蒜蒸貴妃蚌貴妃蚌新鮮，配上吸上鮮味的粉絲，唔錯。油鹽水浸花甲花甲無沙，鮮甜可口，配上粉絲及胡椒湯底，唔錯。紅燒皇子乳鴿剛炸好的乳鴿，外脆內嫩。金銀蛋浸菜苗皮蛋及鹹蛋煮菜芯苗，滋味更豐富。炒飯飯炒得唔油膩，而且軟硬適中。紅豆沙甜品最後，當然唔少得甜品，紅豆沙熱辣辣，甜度適中。