Video
Read full review
2019-05-02
155 views
放工約左2位朋友一齊入元朗食蒸氣火鍋，我好怕人多，幸好是平日晚上店內不是很多人，位置也很多，感覺輕鬆舒服。上次試過呢度既打邊爐都ok，今次決定試下佢地既蒸氣火鍋。每位可以選擇4款海鮮同其他食物。 我地選左蟶子、扇貝、鮑魚同海蝦，出乎我意料，全部海鮮都好新鮮，蟶子同扇貝都好大隻，蒜味帶出佢本身鮮味，口感彈牙不會硬，推介。海蝦是中蝦，size不會很大，用竹簽叉著方便進食，又係好新鮮，全部很易脫殼不會霉霉的，爽口彈牙，點少少豉油食好鮮甜。鮑魚加左d蟲草花一齊蒸，有少少香味，新鮮，而且好搶手，淨返最後2隻！海鮮好好味，但我地忍住左冇加錢encore，因為想試下其他食物。試左佢既一些丸類、和牛粒、菇、污漕雞、馬拉糕等等，都不錯。其中最喜歡佢既手切和牛粒，好軟滑，一啖一粒好正，我地忍唔住叫左2nd round。最後試埋佢個粥底，吸晒之前蒸既海鮮同肉既味道，味道雖然有點淡但清清地都幾香，為呢晚畫上圓滿既句號。最後唔可以唔提侍應既態度好好，仲幫我地計晒時間去蒸野食，食物先唔會話太熟，口感岩岩好。$268蚊加一既價錢都算ok，因為海鮮真心高質，入開元朗可以一試。不過蒸氣火鍋蒸野食時間要等比較長，太肚餓既
上次試過呢度既打邊爐都ok，今次決定試下佢地既蒸氣火鍋。每位可以選擇4款海鮮同其他食物。 我地選左蟶子、扇貝、鮑魚同海蝦，出乎我意料，全部海鮮都好新鮮，蟶子同扇貝都好大隻，蒜味帶出佢本身鮮味，口感彈牙不會硬，推介。
海蝦是中蝦，size不會很大，用竹簽叉著方便進食，又係好新鮮，全部很易脫殼不會霉霉的，爽口彈牙，點少少豉油食好鮮甜。鮑魚加左d蟲草花一齊蒸，有少少香味，新鮮，而且好搶手，淨返最後2隻！
海鮮好好味，但我地忍住左冇加錢encore，因為想試下其他食物。試左佢既一些丸類、和牛粒、菇、污漕雞、馬拉糕等等，都不錯。其中最喜歡佢既手切和牛粒，好軟滑，一啖一粒好正，我地忍唔住叫左2nd round。
最後試埋佢個粥底，吸晒之前蒸既海鮮同肉既味道，味道雖然有點淡但清清地都幾香，為呢晚畫上圓滿既句號。
最後唔可以唔提侍應既態度好好，仲幫我地計晒時間去蒸野食，食物先唔會話太熟，口感岩岩好。$268蚊加一既價錢都算ok，因為海鮮真心高質，入開元朗可以一試。不過蒸氣火鍋蒸野食時間要等比較長，太肚餓既朋友可能要選擇返打邊爐啦。
Post
