泰海鮮 (Closed)

琴日一早去行千島湖,然後再行返落三聖邨食海鮮，喺出邊海鮮檔買咗龍蝦、花甲王同黃油奄仔蟹，海鮮價錢total都係買咗$690，經朋友介紹話有間叫做泰海鮮加工唔錯，所以就攞入去試吓，店員介紹佢哋嘅招牌係脆皮芝士焗龍蝦，所以我哋就試吓，開邊龍蝦面覆蓋着滿滿嘅芝士，趁熱食酥脆而濃香，龍蝦肉仲保持住鮮嫩多汁，但略嫌比較溜滯，另外豉椒炒花甲王再加鹽焗奄仔蟹，蟹真係超正好多黃膏，香到不得了，花甲王啲肉彈牙爽甜，好新鮮完全冇沙，另喺餐廳內叫了一煲海味雜菜煲，都係$88好抵食，食飽飽到了買單竟然要收$615，係海鮮材料的¾價錢，可能係小妹見識淺薄，唔知道而家出邊來料加工嘅收費係咁乸脷，做來料加工嘅餐廳原來咁好賺嘅，以後都係睇一睇先至好入去