Video
Read full review
2021-10-17
51 views
消費卷一到手，每位同事都話要搵間質素高又好味嘅餐廳大家食返餐，商量後決定去新蒲崗蟹仙食海鮮，老細係海鮮批發商，每日都入到唔少海鮮，千挑萬選最靚嘅海鮮，第一時間就送到餐廳讓食客品嚐。因為係批發價，加上海鮮係第一手揀出來，所以海鮮係平靚正！餐廳常常爆滿，以防萬一，我們都係先訂位，放工齊齊去食海鮮！餐廳都做足防疫措施，連餐具都放在蒸盆上蒸數分鐘消毒才給客人用。選擇咗尊貴海鮮套餐，折實每位$399，非常超值！海鮮由店員為我們逐樣蒸。蒸之前先放入粥底材料在蒸盆下。用蒸氣煲粥。店員每次蒸海鮮時間都不同，不同海鮮用不同時間，蒸出來的海鮮熟度剛剛好，時間計得好準確！海鮮係因應供應和時令有時會唔同，今日就有一種新的海鮮太平洋饅頭蟹，樣子特別，主要係食蟹膏，比一般蟹海水味更濃，蟹膏香滑鮮甜。越南頂角膏蟹，包彩鮮艷嘅膏多到滿瀉，肉質結實，味道濃郁鮮甜。澳洲青年龍蝦肉質幼嫩鮮甜，爽口彈牙， 蝦頭還有蝦膏，個龍蝦頭殼也可以放埋入粥底煲粥，增加鮮甜味。跟住食埋越南大虎蝦、日本大元貝、韓國慶南珍珠蠔、台灣九孔鮑魚、紐西蘭刀貝、大西洋野生青口。所有嘅海鮮都食得出佢哋嘅鮮味，因為海鮮係野生，食得出海鮮都係鮮甜爽口彈牙原
餐廳都做足防疫措施，連餐具都放在蒸盆上蒸數分鐘消毒才給客人用。選擇咗尊貴海鮮套餐，折實每位$399，非常超值！海鮮由店員為我們逐樣蒸。蒸之前先放入粥底材料在蒸盆下。用蒸氣煲粥。店員每次蒸海鮮時間都不同，不同海鮮用不同時間，蒸出來的海鮮熟度剛剛好，時間計得好準確！
海鮮係因應供應和時令有時會唔同，今日就有一種新的海鮮太平洋饅頭蟹，樣子特別，主要係食蟹膏，比一般蟹海水味更濃，蟹膏香滑鮮甜。
越南頂角膏蟹，包彩鮮艷嘅膏多到滿瀉，肉質結實，味道濃郁鮮甜。
澳洲青年龍蝦肉質幼嫩鮮甜，爽口彈牙， 蝦頭還有蝦膏，個龍蝦頭殼也可以放埋入粥底煲粥，增加鮮甜味。
跟住食埋越南大虎蝦、日本大元貝、韓國慶南珍珠蠔、台灣九孔鮑魚、紐西蘭刀貝、大西洋野生青口。所有嘅海鮮都食得出佢哋嘅鮮味，因為海鮮係野生，食得出海鮮都係鮮甜爽口彈牙原汁原味。
之後食埋一盤有機蔬菜，蒸蔬菜就可以保留着佢哋原本有嘅營養，
最後係呢一鍋粥，亦都係精華嘅所在因為係蒸海鮮嘅時候佢哋嘅精華已經慢慢深入左呢一盆粥裏面，而且之前已加入排骨南瓜等材料。甜品係送嘅，椰汁雪燕微甜又足料！
Post
