Video
Read full review
2021-10-18
478 views
好似好耐冇出街食海鮮，玩完水又過嚟食下先。今晚嚟到，佢送咗個自家製炸魚皮俾我哋食，佢個炸魚皮真係好脆，咬落去索索聲。其實我本身都唔係好食炸魚皮，因為覺得呢啲食物好油，但係佢呢個竟然一啲都唔油，仲好乾爽，所以接受到。我哋叫咗個基本嘅餐，分別係六樣貝殼類海鮮。同埋三樣蝦蟹類，龍蝦同埋奄仔蟹都爆曬膏，而今日嘅饅頭蟹都好肥美。佢兩隻虎蝦真係好彈牙，完全係新鮮嘅表現。但係生蠔就縮水縮得比較緊要，但係都鮮甜嘅。本身我對青口都麻麻地，不過佢呢度嘅新鮮青口竟然一啲異味都冇，反而覺得好好味。另外佢嗰刀馬貝都好大隻，不過呢啲大隻嘅貝類真係要趁熱食，因為好多海水喺入邊，如果凍咗反而會腥。另外仲有一隻月亮貝，係平時見唔到嘅，都係第一次食，又係好多海水味好鮮甜。今晚嘅麵包蟹真係大隻過平時見到嘅好多，佢啲肉都好鮮甜好滑，不過呢一隻嘅膏就唔係好多，但係可能就係因為咁所以會比較多肉。而佢嘅龍蝦職員話係青年龍蝦，啲蝦肉係偏粉紅色，係刺身級別嘅龍蝦，所以食落特別鮮甜。而個重頭戲嘅奄仔蟹真係好正，除咗好多膏之外，啲肉都真係好實淨好甜，其實未煮之前隻蟹切開兩半仲係郁嘅，證明佢嘅生命力真係好頑強。而今晚個粥底簡直係精粹，因為吸
今晚嚟到，佢送咗個自家製炸魚皮俾我哋食，佢個炸魚皮真係好脆，咬落去索索聲。其實我本身都唔係好食炸魚皮，因為覺得呢啲食物好油，但係佢呢個竟然一啲都唔油，仲好乾爽，所以接受到。
我哋叫咗個基本嘅餐，分別係六樣貝殼類海鮮。
同埋三樣蝦蟹類，龍蝦同埋奄仔蟹都爆曬膏，而今日嘅饅頭蟹都好肥美。
佢兩隻虎蝦真係好彈牙，完全係新鮮嘅表現。
但係生蠔就縮水縮得比較緊要，但係都鮮甜嘅。本身我對青口都麻麻地，不過佢呢度嘅新鮮青口竟然一啲異味都冇，反而覺得好好味。
另外佢嗰刀馬貝都好大隻，不過呢啲大隻嘅貝類真係要趁熱食，因為好多海水喺入邊，如果凍咗反而會腥。
另外仲有一隻月亮貝，係平時見唔到嘅，都係第一次食，又係好多海水味好鮮甜。
今晚嘅麵包蟹真係大隻過平時見到嘅好多，佢啲肉都好鮮甜好滑，不過呢一隻嘅膏就唔係好多，但係可能就係因為咁所以會比較多肉。
而佢嘅龍蝦職員話係青年龍蝦，啲蝦肉係偏粉紅色，係刺身級別嘅龍蝦，所以食落特別鮮甜。
而個重頭戲嘅奄仔蟹真係好正，除咗好多膏之外，啲肉都真係好實淨好甜，其實未煮之前隻蟹切開兩半仲係郁嘅，證明佢嘅生命力真係好頑強。
而今晚個粥底簡直係精粹，因為吸收晒所有海鮮嘅精華，再加埋本身粥底加咗豬骨同埋粟米，所以係甜上加甜，因為太好味嘅緣故而唔記得咗影相。
食飽飽之後職員仲送埋椰汁官燕做甜品，見到觀念嘅份量你就知道呢間舖頭一啲都唔孤寒。
Post
