新南苑私房菜火鍋鷄煲 (華僑商業中心) (Moved) New Location

又係三五知己，又係打邊爐，雖然其中一個有些喉嚨痛，但絕對唔影響我們開大餐。火鍋店超大間，坐位超多，可以坐得好舒服又自在。招牌麻辣雞煲：只點了小辣已經好惹味，一開蓋時真係好香，配了細細粒油炸鬼，吸了麻辣汁，又幾特別，煙煙韌韌。新鮮蟹鍋花甲湯底：真材實料，鮮蟹花甲鮮味之餘令湯底更甜。生猛海鮮拼盤：我至愛海鮮，全晚精華所在，樣樣鮮甜，有口感，鮑魚還在"郁"，尤其蚌同聖子特別鮮味。本地手切牛頸脊：牛味好重。任食多款配料：未計配料已八分飽，但忍不住還加了牛百葉，龍躉件，菜...等等，想不到配菜也很新鮮，水魷真的不錯，爽。仲有大腳板雪糕條，好耐無食，可以回味一下；任飲飲品，連豆漿都有，味道唔錯。