潮福蒸氣石鍋 (Closed)

最近天氣好熱，但熱愛打邊爐嘅我，照樣去打邊爐，今日去嘅係潮福。佢有個新menu，先百幾蚊，就有海鮮，刺身，靚牛同任食menu，好著數，好平又好食，先講海鮮已經回晒本 ，有龍躉，海蝦 ，貴妃蚌，桶蠔 ，蟶子等，超正丫，佢好新鮮，旁邊就有魚缸，d海鮮喺度游水。另外仲有三文魚刺身，都吾錯， 肥瘦適中，好鮮甜，打邊爐都有刺身食，好正丫。到碟靚牛，一睇就知正，鮮紅又有色澤，好香牛味，煮到半熟，食落仲有牛汁好好味丫。食晒都夠飽，如果吾夠，仲有任食，好多款，嗌幾多食幾多，有手打丸，羊肉，雞肉，牛肉，而菜都好多款，我地班女仔仲開心，有菜心，芥蘭，油麥菜，皇帝菜，唐生菜，通菜等等，實有款岩你，最後食條菜，好舒服。