鍋心海鮮燒 (Closed)

見到網上推介有抗疫價套餐，於是訂枱試下。呢個套餐$168，有海鮮，小食，串燒同埋迷你飯，但唔包飲品。是日海鮮有8款，我地選左鮑魚，聖子，象拔蚌，花甲刀貝，海蝦。全部都好新鮮，無沙，啖啖肉。小食有廿幾款，我地揀左葡汁椰菜花同炸墨魚餅，不過不失。串燒都有廿幾款，我地揀左孜然羊肉串 （好細粒肉，麻麻地），韓式豬頸肉 （不過不失），汁燒豬護心 （幾好味），汁燒雞脾菇牛肉 （有驚喜，好好味）。蒸飯有6款，我地揀左蒜蓉蒸蝦飯同葡汁牛脷飯，普普通通，如果個size可以再大少少更佳。呢個套餐真係岩晒2個人，可以用一個幾抵嘅價錢，$168 又食到海鮮，又可以試甘多款食物，滿足晒女女嘅喜好。而且上菜好快，唔怕仔仔等到肚餓，唔錯唔錯。😊😊