焱丸水產 (Closed)

山長水遠嚟到銅鑼灣，為既就係呢間焱丸水產。餐廳充滿濃厚嘅日本居酒屋風格，入到去陣陣燒海鮮既誘人香氣撲面而來。店內不到七點已經坐滿八成座位，相當熱鬧。呢度提供各款特色嘅燒酒～一打開餐牌，竟然發現活海膽‼️因為來貨量唔多，往往一個星期先有兩三日可以嗌既活海膽，今日好幸運地可以試到，價錢不超過兩位數，尚算親民。海膽味道鮮甜，濃郁，非常好食！原條深海池魚，視覺效果一流。魚肉份量十足，鮮嫩，魚味十足。鮮味程度媲美平時廚師發辦既質素👍🏻剩餘嘅魚肉部份，會連同薑蔥一併食用。同一條魚，兩種風味。薑蔥同池魚非常搭配，令人回味無窮。焱丸號壽司🍣雖然名為壽司，但用刺身黎形容會更加貼切。海膽咸香味濃，吞拿魚蓉新鮮，加埋大量三文魚籽係口腔內爆發，係奢侈既享受。看似平平無奇嘅牛油炒雜菌，其實味道出色。牛油遍佈每一款食材，雜菜炒得爽口，牛油香滿溢，菌類依然保持多汁。生蠔飽滿多汁，充滿濃厚海鮮風味，而且難得地冇絲毫腥味，非常推薦！