Video
Read full review
2021-10-05
26 views
已經唔係第一次食呢間餐廳，之前見佢已經有好多食評就冇打算寫，今次影咗啲相，而且覺得都值得紀錄低，就順便分享一下啦。繼上次有同事食完推介，一行十人係個小房仔裡面聚餐之後，今次同媽媽每人一份尊貴海鮮套餐!啲海鮮有幾新鮮我就唔多講啦，食過嘅一定知有幾好食每一款都各有特色，絕對物有（超）所值!罕有大黃奄蟹太平洋饅頭蟹澳洲青年龍蝦台灣九孔鮑魚越南大虎蝦大西洋野生青口紐西蘭刀背蚌日本大元貝韓國慶南珍珠蠔有機蔬菜籃炸魚皮椰汁官燕燉雪燕綜合而言：值得一讚1. 海鮮勁有質素，全部都好鮮甜，調好最適合嘅時間，由淺入深咁食，夠晒層次。最重要嘅係每次都保持到水準（睇其他食評嘅相都知，唔會有啲大有啲小／有啲多膏有啲少啲etc.）2. 剝殼工具好夠，鉗、剪刀、叉仔、濕紙巾、裝殼垃圾桶都有齊，但張枱都唔會覺得好迫，夠晒方便衛生！食到臨尾店員仲仔細幫我哋換碟，驚有殘餘嘅殼整到我哋個口3. 特別想highlight饅頭蟹隻蟹箝，一箝開，啖!啖!肉! 充滿海鮮汁，好有驚喜!4. 店員服務態度好好，有咩需要好快可以serve到，今時今日嚟講都好少有，有啲人可能覺得好煩好hard sell，但我覺得更多嘅係熱情，只係想將最好
繼上次有同事食完推介，一行十人係個小房仔裡面聚餐之後，今次同媽媽每人一份尊貴海鮮套餐!
啲海鮮有幾新鮮我就唔多講啦，食過嘅一定知有幾好食每一款都各有特色，絕對物有（超）所值!
罕有大黃奄蟹
太平洋饅頭蟹
澳洲青年龍蝦
台灣九孔鮑魚
越南大虎蝦
大西洋野生青口
紐西蘭刀背蚌
日本大元貝
韓國慶南珍珠蠔
有機蔬菜籃
炸魚皮
椰汁官燕燉雪燕
綜合而言：
值得一讚
1. 海鮮勁有質素，全部都好鮮甜，調好最適合嘅時間，由淺入深咁食，夠晒層次。最重要嘅係每次都保持到水準（睇其他食評嘅相都知，唔會有啲大有啲小／有啲多膏有啲少啲etc.）
2. 剝殼工具好夠，鉗、剪刀、叉仔、濕紙巾、裝殼垃圾桶都有齊，但張枱都唔會覺得好迫，夠晒方便衛生！食到臨尾店員仲仔細幫我哋換碟，驚有殘餘嘅殼整到我哋個口
3. 特別想highlight饅頭蟹隻蟹箝，一箝開，啖!啖!肉! 充滿海鮮汁，好有驚喜!
4. 店員服務態度好好，有咩需要好快可以serve到，今時今日嚟講都好少有，有啲人可能覺得好煩好hard sell，但我覺得更多嘅係熱情，只係想將最好嘅介紹比客人，就算我哋唔係叫最貴嗰啲／冇額外加單都冇黑面啊！
值得改善
1. 可能由於啲調味料味道太香，都難免引來細細隻烏蠅仔，好彩都係食之前同之後有，開始食反而冇見飛來飛去
2. 粥底似泡飯多啲，始終唔係正宗熬咗幾嗰鐘頭嗰啲綿綿粥，但係係好鮮味嘅，吸收晒啲海鮮精華，而且肉靚粟米甜，所以都收貨，我仲忍唔住用餐盒裝走
3. 同一款樽裝飲品，比出面超市／便利店貴咗啲啲...
我同媽咪今餐都食得好滿足。媽咪話去街市普通買其中一種海鮮都唔平，呢度仲要幫你處理好。就算係五星級酒店自助餐或者放題都好少可食到呢啲海鮮，因為嗰啲大部份都係急凍／靠調味唔使同人爭／迫/ 排隊，咁嘅價錢，未食之前覺得有少少貴，試過就完全唔覺得貴如果再要食蒸氣海鮮我都會推介呢間!
Post
