潮福蒸氣石鍋 (Closed)

任點任食海鮮餐, 啱晒中意食海鮮嘅一族。首先先挑選二選一粥底 (新鮮排骨粥和瑤柱新鮮淮山粥）、燉湯（西洋菜生魚燉陳腎、老黃瓜燉排骨、姬松茸燉螺肉）。跟著再送脆皮乳鴿、貝殼盛盆，龍蝦。跟著仲有包括另外二十幾款任點配料，和任飲啤酒、汽水和竹蔗水等飲料。首先當然老火上湯嘅時間，姬松茸燉螺肉燉湯。燉湯好足料，除了有姬松茸和螺肉外，還有排骨，味道很鮮甜天然，用料絕不孤寒。每枱都逢送嘅脆皮乳鴿，外皮脆卜卜肉汁又多，肉質嫩滑，絕無羶味。貝殼盛盆包含胭脂蚌，馬刀貝，加上我地自己點嘅海蝦同埋青口，感覺大滿足。馬刀貝大大粒，肉厚鮮甜。海蝦肉質彈牙，同樣新鮮味美。龍蝦同樣令我地食得滿足，肉質帶有爽勁而又鮮甜，加入蒜蓉蒸，味道又提昇左一層次。北韓鮑魚質素亦高，加左薑、蔥和蟲草花去蒸，彈牙而鮮甜。接著係任點任食嘅肉食同肉丸。蟲草花清遠雞雞肉非常嫩滑，肉質又細嫩。百花釀花菇釀了鮮蝦滑，蝦滑鮮味彈牙，值得多食幾件！手切和牛肉及和牛粒牛香肉味都非常香濃，蒸一份鐘左右就食得，保持嫩滑口感。最後當然就係食瑤柱新鮮淮山粥啦。粥底吸收成晚蒸食材嘅精華，所以味道必然係好味。再加入香甜嘅淮山，等綿綿粥底更添味美。