Video
Read full review
2018-01-09
249 views
今日收工近近地揀左呢間粥底火鍋試試，應該新開冇耐，原來已經有兩間分店，咁呢間近公司，所以收工同同事一齊過去。睇過餐牌，都覺得價錢幾吸引，佢同大部分嘅粥底鍋都一樣，都係每位計，收$198，另有加一，不包飲品。先上沙律：基本餐就可以粥底口味，四選一，有粟米、甘荀、椰子、紫薯。主食包左人頭份量嘅海鮮6款，當日我地就食左蟹、蝦、鮑魚、大蚌、大花甲、沙白，每人一份。除此之外，仲有迷你拼盤，裡面會有蔬菜、幾款丸類、餃類、蘿蔔、粟米、雞脾菇、美國黑豚肉等；仲可以每人自選多3款配料，睇番價錢都真係幾抵食呀。海鮮拼盤（兩人）：蟹、蝦、鮑魚、大蚌、大花甲、沙白睇落好新鮮、吸引。枱面上會有指示，如果唔知啲海鮮要煮幾耐，就可以跟番卡紙嘅提示。雖然份量黎計，每人就唔係好多，例如蟹每人半隻啦，蝦每人兩隻，鮑魚一隻、蚌一隻，另外林林嬸嬸有啲蜆咁，但自己買都唔平，吧度樣樣都試到啲，又唔會太多，而且都係新鮮野迷你拼盤裡面有啲細粒墨魚丸呀、魚蛋豬肉丸咁，仲有兩款餃，娃娃菜等蔬菜類，正常水平。仲有埋豚肉，雖然唔係話好高質素果種，但肉質都幾嫩，唔會太肥。粟米好甜啊因為我地有兩個人，就可以自選6款配料，咁自選配料嘅份量都係唔多
先上沙律：
基本餐就可以粥底口味，四選一，有粟米、甘荀、椰子、紫薯。主食包左人頭份量嘅海鮮6款，當日我地就食左蟹、蝦、鮑魚、大蚌、大花甲、沙白，每人一份。除此之外，仲有迷你拼盤，裡面會有蔬菜、幾款丸類、餃類、蘿蔔、粟米、雞脾菇、美國黑豚肉等；仲可以每人自選多3款配料，睇番價錢都真係幾抵食呀。
海鮮拼盤（兩人）：蟹、蝦、鮑魚、大蚌、大花甲、沙白睇落好新鮮、吸引。枱面上會有指示，如果唔知啲海鮮要煮幾耐，就可以跟番卡紙嘅提示。雖然份量黎計，每人就唔係好多，例如蟹每人半隻啦，蝦每人兩隻，鮑魚一隻、蚌一隻，另外林林嬸嬸有啲蜆咁，但自己買都唔平，吧度樣樣都試到啲，又唔會太多，而且都係新鮮野
迷你拼盤裡面有啲細粒墨魚丸呀、魚蛋豬肉丸咁，仲有兩款餃，娃娃菜等蔬菜類，正常水平。仲有埋豚肉，雖然唔係話好高質素果種，但肉質都幾嫩，唔會太肥。粟米好甜啊
因為我地有兩個人，就可以自選6款配料，咁自選配料嘅份量都係唔多，主要係人頭兩件咁，但勝在兩個人可以各選三款，食到多幾款，唔怕覺得dry。我地揀左肥牛、雞脾肉、午餐肉、芝心丸、雲吞、墨魚滑，份量就唔會好多，質素都ok，芝心丸係新鮮，墨魚滑都幾彈牙。而且食到呢度都已經好飽
到咁上下，店員就幫我地加入南瓜粒啊、芋頭粒、粥膽，咁本身煲粥水又有海鮮、牛肉、蘿蔔呢啲鮮甜野，咁加入粥底，本身個鍋底我揀左穩陣嘅椰子，咁食落都幾清甜。而且每人都食到兩碗有多，非常飽肚
今日天氣都幾凍，我地坐2樓，都有9成滿。當中有啲都係遊客，因為聽到有國語、有英文，可見旺角區係幾咁多遊客。
我地坐近樓梯口，都唔會好逼，佢會等你食完個海鮮盤先上副食，唔會太逼，而且唔覺唔覺都食左個半鐘啊
Post
