發哥粥底海鮮火鍋 (Closed)

原來顯徑都有粥底火鍋食架！住顯徑嘅朋友仔記得去試吓今次要同大家介紹翠逸軒發哥粥底海鮮火鍋，今次就係同朋友兩個人去食，一人帶咗一個餐！就係帶咗龍蝦餐，同埋海蟹餐！配料就嗌左美國肥牛，新鮮豬紅，海蝦，唐生菜。前菜方面，餐廳會預備青瓜，同埋花生。青瓜係辣辣地，好開胃。另外仲有一碗例湯，不過唔記得左叫咩名！哈哈一開始，餐廳會準備一煲粥水，記得煲滾左之後先落料！溫馨提示記得跟足餐廳提供嘅建議食法煮，識食就梗係落晒啲海鮮先啦！海蟹蟹肉鮮甜，仲要幾多肉，點少少豉油食，啱啱好！龍蝦就好彈牙，仲要好香！真係不錯不錯！食完我最鍾意嘅海鮮，就梗食返啲生菜！生菜吸收左湯底嘅味道！有少少海鮮味！幾特別！然後到海蝦，好新鮮，仲要幾大隻，咬落去又係啖啖肉！食完啲餸之後，就可以係侍應幫你加粥，煲到滾就可以食㗎啦嘢飲方面係任飲㗎！有好多唔同嘅汽水，果汁，任君選擇 ！