Video
Read full review
2018-12-04
1391 views
今晚好想打邊爐但又怕熱氣，上openrice見到呢間食粥底火鍋的餐廳，於是就相約朋友一齊去食下。餐廳位於很多不同食肆的砵蘭街，大概近油麻地港鐵站那邊。餐廳有兩層，因為我同朋友只有兩人，所以安排於地下果層卡位位置。由於是一人一小窩的關係，所以枱上已有幾個小型電磁爐。坐低後不久侍應送上前菜沙律及醬料。侍應為我們講解這裡的收費，$188一位，包海鮮拼盤，如需要加野食的話，每碟$8。粥底有5款可以選擇，而我同朋友就揀選了粟米及菠菜粥底。坐左一陣，侍應便呈上令人看到雙眼發光的海鮮拼盤。海鮮拼盤，完全冇諗過原來佢係咁多的，我同朋友見到已經留口水!海鮮包括:白蜆、蕃蜆、黃刀貝、魚片、北極貝、貴妃蚌、生蠔、鮑魚、海蝦及肉蟹。所有海鮮都很新鮮。鮑魚已幫我們起殼，我地淥果陣忘記左將鮑魚撈起，但淥左咁耐都仲好彈牙，冇變到好韌。貝類全部都冇沙，而且很鮮甜脹卜卜，海蝦食得出新鮮彈牙，肉蟹雖然唔係好大隻，但都多多地肉，仲有少少膏添!我地都加左幾款配料打邊爐，包括午餐肉、肥牛、芝士丸、雞脾肉、魚皮餃及炸魚皮。肥牛估唔到咁平都咁好食，好有牛肉味。雞肉亦很嫩滑，炸魚皮咸度適中又夠脆!食到咁上下店員為我們加入南瓜粒、芋頭
餐廳位於很多不同食肆的砵蘭街，大概近油麻地港鐵站那邊。餐廳有兩層，因為我同朋友只有兩人，所以安排於地下果層卡位位置。由於是一人一小窩的關係，所以枱上已有幾個小型電磁爐。
坐低後不久侍應送上前菜沙律及醬料。
侍應為我們講解這裡的收費，$188一位，包海鮮拼盤，如需要加野食的話，每碟$8。粥底有5款可以選擇，而我同朋友就揀選了粟米及菠菜粥底。坐左一陣，侍應便呈上令人看到雙眼發光的海鮮拼盤。
海鮮拼盤
23 views
0 likes
0 comments
海鮮拼盤，完全冇諗過原來佢係咁多的，我同朋友見到已經留口水!海鮮包括:白蜆、蕃蜆、黃刀貝、魚片、北極貝、貴妃蚌、生蠔、鮑魚、海蝦及肉蟹。所有海鮮都很新鮮。鮑魚已幫我們起殼，我地淥果陣忘記左將鮑魚撈起，但淥左咁耐都仲好彈牙，冇變到好韌。貝類全部都冇沙，而且很鮮甜脹卜卜，海蝦食得出新鮮彈牙，肉蟹雖然唔係好大隻，但都多多地肉，仲有少少膏添!
我地都加左幾款配料打邊爐，包括午餐肉、肥牛、芝士丸、雞脾肉、魚皮餃及炸魚皮。肥牛估唔到咁平都咁好食，好有牛肉味。雞肉亦很嫩滑，炸魚皮咸度適中又夠脆!食到咁上下店員為我們加入南瓜粒、芋頭粒及米糊。
栗米粥底，滾左一陣已經聞到好香的粟米味，味道清甜。加入米糊後，個粥有淡淡的粟米味，又有海鮮味!
菠菜粥底，要滾左一段時間先聞到菠菜味，顏色望落雖然麻麻，但食落味道唔錯!加入米糊後，個粥有淡淡的菠菜味，再有蟹膏同海鮮的鮮甜味，超級好味!最後我仲食哂成個粥添!總括黎講，呢個價錢食到咁多咁新鮮既海鮮確實唔錯，而且打完邊爐再食粥感覺真係好似冇咁熱氣。餐廳服務亦不錯，店員會主動介紹食物及會主動收碟。有機會一定會再同其他朋友再黎食!
Post
