潮福蒸氣石鍋 (Closed)

同屋企人去食大餐! 今次再次幫襯潮福，佢任食蒸氣鍋質數認真不錯，可以一食再食，一早定好枱，8點鐘細枱，一開始店員放珍珠米同淮山入鍋底餚粥，然後介紹我地自取任飲既選擇，有竹庶水，韓式汽水，啤酒等，入左單等左10分鐘度就上燉湯，螺肉湯好快比人揀哂，我地有幸仲有3盅，其他人就要黃瓜排骨湯，其實2款都好飲，惜湯油比較多，要自己先片一片油。燒乳鴿肉質幼嫩，醃得入味，每人半隻夠哂滋味。龍蝦每人半隻，size 中等，新鮮爽口。蟶子好大隻，超鮮甜，無沙，呢2款食物我覺得是全場最正 !! 蒸蒜蓉元貝時好似有d 過火，肉質韌了少許，但味道是不錯，美國桶蠔又係超大隻，蠔味重，推介! 貝類有花甲，蜆，馬刀貝，無沙，鮮味滿瀉，每人分到大約8 至10粒。肥牛片同一口牛可以任添! 食肉獸可以開動了! 其他蒸雞肉丸蔬菜都可以任加，必定可以食到飽，時間亦相當充裕，唔會未食哂就話趕你還枱，服務還頗周到，換碟蒸野夠快手。最後必食既綿綿粥底，吸收海鮮肉類精華，味道咸咸鮮鮮，考你持久戰鬥力既時候埋單三百幾蚊一位，想食海鮮既話值得幫襯。