潮福蒸氣石鍋 (Closed)

今日同屋企人去左西灣河呢間叫潮福嘅蒸氣石鍋店食晚飯，我地叫左任食海鮮套餐，而加真係好興食蒸氣鍋呀，開左好多間蒸氣鍋食店，不過我都食第二次食蒸氣鍋咋，呢間海鮮蒸氣鍋幾好食！任食蒸氣海鮮餐可以自選粥底，我地揀左瑤柱淮山粥，燉湯就揀左姬崧茸螺肉湯，自選海鮮有四款可以揀，仲送左乳鴿、貝殼盛盆同龍蝦，其他都有得任食，啤酒汽水都係任飲，有出名嘅日本啤酒同韓國汽水，呢個套餐都幾抵食！醬汁可以自己調配，蒜蓉、辣椒、蔥、豉油、沙爹醬，好多選擇。燉湯好香，材料好多，好耐冇飲過咁足料入味嘅原盅燉湯，好好飲！乳鴿好香脆，真係皮脆肉嫩，好惹味。貝殼有花蛤、花螺、青口，全部都好鮮味，唔需要點豉油都好食。蒸鮮鮑魚真係好正，上面放左蟲草花、蔥花、薑絲去蒸，肉質好彈牙。龍蝦好新鮮，大隻又多肉，仲有龍蝦膏，味道非常好，超級鮮甜。象拔蚌好好食，放左粉絲、蔥花一齊蒸，粉絲索左象拔蚌鮮味，點豉油食，真係好正！我地仲叫左好多任食食品，有牛肉、豬肉、雞肉，仲有好多店舖自家製肉丸、釀豆卜，同埋其他蔬菜、甜點，真係好豐富！最後，不得不提精華所在嘅淮山粥，係一開鍋已經開始煮，煮到最後已經變到軟綿，用左瑤柱、淮山、豬骨去煮，非常鮮甜！