潮福蒸氣石鍋 (Closed)

有好多分店既潮福蒸氣火鍋 ，今次喺西灣河分店，食蒸氣套餐3百幾蚊一位，如果8點半後入座仲有折，都幾抵， 啤酒汽水任飲，仲有湯可以自選 。送了湯，絕對落足料，十分鮮甜， 而且老火湯味十足。粥底 我點左南瓜排骨粥底 ，蒸晒海鮮食物最後先食粥嘅，所以最後嘅粥好棉好多海鮮精華好夠味嫁。仲有乳鴿 龍蝦同埋蜆係每人都有。乳鴿好夠鑊氣，咬落去個皮脆卜卜 ，入面既肉十分軟滑。龍蝦大隻夠新鮮用蒜蓉蒸超正，蜆都肥美，蒸得岩岩好。飽魚用姬松茸絲去蒸好香食落好彈牙新鮮 另外 仲有任點任食嘅menu，包括有各種肉丸，牛肉，蝦丸等。手切牛肉，荷葉飯，涼瓜釀魚肉，污糟雞糟和牛粒等等都係任食。以性價比黎計，食到甘多海鮮又有任食，食到飽，正過放題同buffet丫。