金輝海鮮菜館

Open Now

Now Closed

趁住好天氣，梗係同朋友們去西貢行山兼食海鮮。一心以為西貢食海鮮平過鯉魚門，但可能都係旅客區，行左幾間又多人又貴，最終都搵到間算平既黎食。餐廳以係食餐為主，幾多個人就揀有幾多款海鮮食。我地四個人揀左有五個海鮮再送湯飲，承惠$828。蒜蓉粉絲蒸元貝，蒸得剛剛好！中size，係酒樓食襯都會肉同殻分離左，令人感覺係雪藏野，但今次呢個連殻嫁，哈哈如果可以比多D豉油就perfect!!!豉椒炒聖子，就一人一條，味道不錯！芝士龍蝦伊麵底，啖啖都係肉，芝士夠哂濃！椒鹽瀨尿蝦，熱氣之作，朋友話好正，好夠味！清炒白菜仔，真係好清，油都無滴最後送上既係海胆炒飯，都係預料之內，海胆不多，但都屬正常炒飯味道。