Video
Read full review
2016-12-05
2219 views
太太由於胃口細，拍拖時都少去食自助餐，但多年來經自己耳濡目染下，已經慢慢開始接受，就連結婚周年慶祝，都是找高質素的Buffet。 今次跟朋友飯聚，又不想跑太遠，就選擇環境寧靜闊落，食物日見進步的MoMo Cafe。 可能人數較多，餐廳安排了廂房，也好，朋友帶來了囝囝，有私人空間，聊天也方便得多。 Seafood Station 波士頓龍蝦 有最喜歡的海鮮之一波士頓龍蝦，胭紅的蝦膏，睇見已經想食。 龍蝦鉗 如果想啖啖肉，又可以食龍蝦鉗，檯面早就放好拆殼用具，非常方便。 麵包蟹 更加有近年大熱既麵包蟹，蟹蓋滿是甘甜蟹膏，真係膽固醇朋友，偶爾一次不怕吧！ 另外仲有鮑魚、蟹腳、藍貝、翡翠螺、凍蝦、墨魚仔、章魚仔、海蜆、東風螺及泰式生蝦，陣容可以話越來越勁，海鮮迷就最開心。 鐵板燒 燒肉眼 特意等到中間位，生熟度啱啱好，薄切一片，澆少許肉汁，肉味更濃，加上有嚼口，值得試一片。 至於蕉葉紅魚、多春魚、菠蘿、粟米及牛柳，都有不少選擇。 Pasta 太太點了蝴蝶粉底，忌廉下得重手，食落香滑，而蝴蝶粉又有嚼口，又真的幾好味。 芝士吧 竟然有Traditional
今次跟朋友飯聚，又不想跑太遠，就選擇環境寧靜闊落，食物日見進步的MoMo Cafe。
可能人數較多，餐廳安排了廂房，也好，朋友帶來了囝囝，有私人空間，聊天也方便得多。
Seafood Station波士頓龍蝦
有最喜歡的海鮮之一波士頓龍蝦，胭紅的蝦膏，睇見已經想食。
龍蝦鉗
如果想啖啖肉，又可以食龍蝦鉗，檯面早就放好拆殼用具，非常方便。
麵包蟹更加有近年大熱既麵包蟹，蟹蓋滿是甘甜蟹膏，真係膽固醇朋友，偶爾一次不怕吧！
另外仲有鮑魚、蟹腳、藍貝、翡翠螺、凍蝦、墨魚仔、章魚仔、海蜆、東風螺及泰式生蝦，陣容可以話越來越勁，海鮮迷就最開心。鐵板燒
燒肉眼
特意等到中間位，生熟度啱啱好，薄切一片，澆少許肉汁，肉味更濃，加上有嚼口，值得試一片。
至於蕉葉紅魚、多春魚、菠蘿、粟米及牛柳，都有不少選擇。
Pasta太太點了蝴蝶粉底，忌廉下得重手，食落香滑，而蝴蝶粉又有嚼口，又真的幾好味。
芝士吧竟然有Traditional Swiss Raglett，用發熱線烘溶芝士，香濃稠密，芝士迷絕對不能錯過。
而Blue Cheese、Camembert及Edam Cheese，帶來不同質感與濃度的。
熱葷
鮑貝扒時蔬
玻璃芡夠薄，鮑貝不會太韌，墊底的是溫室豆苗，食落清爽。
醬爆海螺牛肉牛肉跟螺片炒得啱啱好，大廚對火喉掌控得不錯。
另外仲有焗龍脷柳配茴香、冰梅醬雞球、雜菜咖喱、陳皮燴鴨甫及脆炸雞件，都是新鮮出爐，只不過太多野食，還是要留肚。
清蒸石班蒸得肉質嫩滑，所以經常斷貨，想食就要走多兩轉。
燒味有油雞、燒鴨及燒排骨。
如果嫌單調，可以試下很少在Buffet出現的蒜泥白肉或麻香口水雞，後者麻中帶香，很有川菜的風味。湯
西湯是蕃茄忌廉湯，微微果酸，質感如絲幼滑，真係幾好飲。
沙律吧除了固有款式外，客人可自製沙律。
臘味糯米飯在原先擺放燉湯的位置，換上了時令的糯米飯，熱氣騰騰的，咬落煙韌，不單有臘肉，更有花生來增加口感，在寒冬的日子，吃上一碗，真是暖在心頭。
灼料吧朋友每次都笑在下，無澱粉質不歡，今次都不例外，除了丸類外，把肥牛、雞肉、火腿及牛柏葉每樣都拎些少，變身大雜米，好味。
12月特備食物
畢竟接近聖誕節，餐廳亦加強了陣容，先來燒越南大頭蝦，蝦殼燒得香脆，而蝦肉是超級爽彈，是吃得出的新鮮，蝦頭部位充滿了蝦膏，邪惡度十足，不過我鐘意。
另外更有焗和牛薯蓉，很有聖誕氣氛的菜色，但不能多吃，因為都幾‘漏’下。
清酒煮蜆就肉質鮮嫩，又無乜砂。
在幾款追加食品中，最喜歡的一定係迷你燉湯，超過半盅都是材料，大冬菇、花膠、螺頭及瘦肉，甜品
完整的一個甜品區，甜品迷想必心花怒放。
彩虹pancake真係有七種不同顏色及口味，質感鬆軟，大家一致認為咖喱味最突出。
哈根大師望見有哈根大師，已經知道有進步，取了草莓及朱古力味試試，真開心。
Chocolate Fountain最難得是初次見到有朱古力噴泉，既可以用水果，又可以用棉花糖蘸點，陣容的確變得豐富。
另外更有烤焗麵包布丁配香草汁、野莓芝士布丁、巧克力忌廉筒、Brownie、抹茶芝士蛋糕、黑森林蛋糕、栗子瑞士卷、咖啡焦糖燉蛋、栗子忌廉泡芙、Oreo Panna Cotta、栗子Panna Cotta、Mango Lamington、Raspberry Mousse與及Tiramisu，根本沒有人可以一次過試得完。
畢竟就快到聖誕節了，如果想跟家人渡過一個愉快的晚上，訂檯就要快手！Post
