吉壽日本料理 (Closed)

難得識左多年既朋友約食放題（平時約飲茶多），當然要搵間穩陣唔會中伏既，同學介紹呢間話食物質素高，環境舒適寬闊，又食又傾就最岩。隻蝦夠大隻，煎到好香，蝦肉唔梅，夠新鮮彈牙 。蟹又係好大隻，少辣，友人唔太食到辣，都食到。肉厚鮮甜，唔難mok殼。壽司款式有唔少選擇，飯量唔多，一口一舊，唔會咁易填飽肚。最鐘意最左邊既醬燒帝皇蟹棒，個醬同條蟹棒好夾 。連黑松露都有，配埋赤蝦，好吸引天婦羅炸到好香脆，炸粉唔厚，熱辣辣，必叫之選。