Video
Read full review
2019-06-18
1575 views
青梅竹馬嘅好姊妹生日，今年一於食好啲、食豪啲！見 openrice 介紹海鮮山，即一見鍾情😍，雙眼發光，馬上訂位！由於食材必須新鮮，為保障雙方，訂位後必須落訂（$200）👌🏻。店家確認後會問客人要求嘅辣度同配菜調味料之類，非常細心 。為咗避開人流，同埋方便食飽後去shopping ，我訂咗晚上六點，坐定定後即叫即做，大約等15分鐘左右。其間店員會講解一下套餐有咩食、限期優惠、FB 優惠咁、火鍋醬料…… 保證清楚明白，令客人食得最抵登登登登！龍蝦山🦞上枱喇！真係成座山咁高，二人餐有波士頓龍蝦一隻，鮑魚、扇貝、貴妃蚌各兩隻、白蜆、海蝦大量！為咗品嚐海鮮嘅原始鮮味，今次揀咗BB👶🏻辣。龍蝦味濃，肉質彈牙！扇貝、鮑魚大大隻，非常爽口！其他海鮮全部鮮甜無比，係游水生猛海鮮無誤！食食下海鮮開始見底，呢個時候，店員會過嚟幫你開爐加熱，同時示意可以加錢揀火鍋配料。鍋底全部都係娃娃菜，有 3-4人份量 加埋之前配海鮮嘅辣椒炸蒜，湯底本身已經好惹味 我哋加咗吸味嘅粉絲、黑豚肉、墨魚丸、牛栢葉。如果二個人嘅話，其實加粉絲，黑豚肉就已經足夠，再加就太多太飽喇！甜品係意大利雪糕球，我哋揀咗薑味，榴槤味。朋
由於食材必須新鮮，為保障雙方，訂位後必須落訂（$200）👌🏻。店家確認後會問客人要求嘅辣度同配菜調味料之類，非常細心 。
為咗避開人流，同埋方便食飽後去shopping ，我訂咗晚上六點，坐定定後即叫即做，大約等15分鐘左右。其間店員會講解一下套餐有咩食、限期優惠、FB 優惠咁、火鍋醬料…… 保證清楚明白，令客人食得最抵
登登登登！龍蝦山🦞上枱喇！真係成座山咁高，二人餐有波士頓龍蝦一隻，鮑魚、扇貝、貴妃蚌各兩隻、白蜆、海蝦大量！為咗品嚐海鮮嘅原始鮮味，今次揀咗BB👶🏻辣。龍蝦味濃，肉質彈牙！扇貝、鮑魚大大隻，非常爽口！其他海鮮全部鮮甜無比，係游水生猛海鮮無誤！
食食下海鮮開始見底，呢個時候，店員會過嚟幫你開爐加熱，同時示意可以加錢揀火鍋配料。鍋底全部都係娃娃菜，有 3-4人份量 加埋之前配海鮮嘅辣椒炸蒜，湯底本身已經好惹味 我哋加咗吸味嘅粉絲、黑豚肉、墨魚丸、牛栢葉。如果二個人嘅話，其實加粉絲，黑豚肉就已經足夠，再加就太多太飽喇！
甜品係意大利雪糕球，我哋揀咗薑味，榴槤味。朋友話榴槤雪糕有果肉，幾好味但冇驚喜！而我食嘅薑味雪糕就有驚喜喇！薑味雪糕坊間罕見，薑味超濃但唔會好辣，食完個肚仔好舒服！
所有幫襯過嘅舊客都有優惠，近期有斧頭扒優惠，要快啲安排吓下次飯局先
Post
