糧船灣有利海鮮漁村

Open Now

Now Closed

今日參加咗西貢嘅藝術節，係一個類似跳島嘅形式，參觀西貢唔同嘅小島同埋佢嘅藝術品，咁啱我哋午飯時候就嚟咗呢一間嘅海鮮餐廳！✔️蒜蓉粉絲蒸青口，餐廳採用嘅青口係本地嘅青口，唔係嗰啲好大隻嗰啲雪藏貨，所以佢嘅size比較細身，但係味道非常好食，調味上再加埋粉絲蒜蓉嘅配搭，一啖一隻就係正！✔️椒鹽鮮魷，餐廳都係採用本地嘅大尾魷，炸得非常乾身香口，整體上嘅味道都非常好食，而且加埋少少喼汁，酸酸地更加開胃！餐廳嘅都有普通嘅炒飯同埋炒麵，我就覺得冇乜太大特別，亦都有自家製嘅涼茶，夏日炎炎，不妨都可以試吓佢嘅涼茶！大大支都幾低飲.