Video
Read full review
2023-06-04
1508 views
想食新鮮海產唔一定要即刻飛去鄉下日本嘅🤪係香港都絕對可以搵到質素媲美日本當地嘅魚生🐟今次就嚟到尖沙咀呢間人氣值幾高嘅漁道樂，位於美麗華旁邊地點方便。店內環境滿佈日本風裝飾，仲有啲榻榻米卡位，聚會、打卡都啱🙌🏻今次食嘅海鮮質素都幾高，超級新鮮，感覺無論係餐牌叫邊款菜式都能夠大快朵頤👅👅生蠔刺身係我食過數一數二大隻嘅生蠔🦪成隻手掌咁大🤣仲要厚到痴咗線，睇返啲相都覺得正😍😍嚟自岩手縣嘅生蠔肥美同新鮮程度完全媲美甚至超越親身係日本食咁，肥厚嘅蠔肉塞滿口腔好滿足😋😋點少許酸汁已經好夠。七點刺身超級豐富，繽紛嘅顏色令人食慾大增🥳🥳每款都係新鮮到爆、鮮甜到爆，又厚切，每件入口都令人滿足👍🏻拖羅軟滑肥美😗😗；赤貝彈牙；深海池魚有魚油香；油甘魚清甜；帶子非常軟滑甘甜；甜蝦爽彈；海膽份量超多🥰食落幾甘香。味噌蟹甲羅除咗魚生呢度仲有啲可以浜燒嘅海鮮。邪惡嘅甲羅燒由店員即席推住個爐係食客面前燒製🔥蟹膏非常濃厚creamy😚蟹鮮味非常突出，加上蔥花、鵪春蛋，配清爽青瓜絲一齊食中和一下。牛油果軟殼蟹沙律以為沙律會冇乜特別，點知配搭同用料都好好👏🏻牛油果🥑超級creamy，鍾意牛油果嘅人會滿足💚軟殼蟹香脆，而且放咗
生蠔刺身
係我食過數一數二大隻嘅生蠔🦪成隻手掌咁大🤣仲要厚到痴咗線，睇返啲相都覺得正😍😍嚟自岩手縣嘅生蠔肥美同新鮮程度完全媲美甚至超越親身係日本食咁，肥厚嘅蠔肉塞滿口腔好滿足😋😋點少許酸汁已經好夠。
七點刺身
超級豐富，繽紛嘅顏色令人食慾大增🥳🥳每款都係新鮮到爆、鮮甜到爆，又厚切，每件入口都令人滿足👍🏻拖羅軟滑肥美😗😗；赤貝彈牙；深海池魚有魚油香；油甘魚清甜；帶子非常軟滑甘甜；甜蝦爽彈；海膽份量超多🥰食落幾甘香。
味噌蟹甲羅
除咗魚生呢度仲有啲可以浜燒嘅海鮮。邪惡嘅甲羅燒由店員即席推住個爐係食客面前燒製🔥蟹膏非常濃厚creamy😚蟹鮮味非常突出，加上蔥花、鵪春蛋，配清爽青瓜絲一齊食中和一下。
牛油果軟殼蟹沙律
以為沙律會冇乜特別，點知配搭同用料都好好👏🏻牛油果🥑超級creamy，鍾意牛油果嘅人會滿足💚軟殼蟹香脆，而且放咗一段時間之後，入口都唔會有任何油益感覺。沙律醬些微黑松露香味，比較特別。
雜錦天婦羅
每款都夠香脆，放耐咗都無腍到😛炸蝦幾彈牙，特別喜歡蔬菜類，如冬菇、蕃薯、茄子等，香脆炸皮下包裹住清爽蔬菜，剛剛好😙😙
特選壽司盛合
有三文魚、鯛魚、帶子、三文魚子、墨魚、左口魚裙邊等等，每款都唔錯，夠新鮮😗😗
明太子燒玉子
玉子好鬆軟，帶點甜甜地嘅味道。
青蘋果乳酸、菠蘿乳酸
係熱到幾乎中暑🥵嘅天氣下，要飲番啖酸甜清爽嘅水果味乳酸回一回氣😮💨😮💨除咗乳酸，仲有唔少酒類啱晒邊歎日本菜邊飲吓酒🍻
人均消費：$1100
推介指數（10分為滿分）：8.5分
Post
