來發館粥底海鮮火鍋 (Closed)

心血來潮想食海鮮就經朋友推薦去食。價錢方面$218全包免加一。仲有罐裝飲品任飲。首先會用粥水蒸蒸海鮮,d蟹超多膏,其他海鮮份量都正常,主要跟人頭數目而比。食完海鮮就點配料,2-3個人以下可選6樣,4個人以上可選8樣。配料食完之後就會加粥底, 其實食完海鮮+配料都夠飽,再加埋個粥底真係大滿足。個侍應驚我會煲燶底所以都不斷幫我搞個粥底。如果嚴打邊爐太單調,粥底海鮮打邊爐都係一個唔錯選擇。一次過滿足晒三個願望。