BBQ Military (Closed)

由於太耐冇同家人出街食飯了，於是今晚安排同家人去食韓燒。來到BBQ MILITARY後，原來呢度轉左做放題，又特別以海鮮為主題，看價錢好似幾抵食。飲料係任飲，有成11款咁多，有韓式CIDER、啤酒、茶及汽水。安排好座位後，店員馬上在爐邊加蛋及泡菜等小食。另外出面有自助調味料。上菜的速度都幾快，交點菜紙後五分鐘已經送食物來了。烤特級豬頸肉比較肉厚，所以燒烤時間比較長，肉質鬆化既有咬口又帶點煙韌；烤魷魚肉質彈牙；烤青魚魚味幾重，個人不太喜歡；烤五花腩一層肥一層瘦，店員走來你幫我們燒並逐一剪開。全部肥油已經被燒晒出來，所以食起來特別爽口，夾生菜及韓式辣醬食好好味；烤原條牛排骨燒到差不多熟的時候便可以剪開一塊塊.牛肉肉質嫩滑, 牛味幾濃郁, 味道適中, 不用再點醬汁。烤牛舌則沒有難度，薄薄牛舌燒後帶爽口嫩滑，不用包菜，已經不錯。烤特級牛肉輕輕兩面燒至不見血就可食，肉質非常軟腍，牛味香濃。另外都點了個冷麵，加點點芥末，食落清新一減剛才肉食肥膩感。仲有呢度個泡菜湯幾辣下，不過就好惹味。