Greyhound Café (新城市廣場) (Closed)

今次嚟沙田呢間，空間感好好，有自己私人空間。先唔講野食，講左個甜品先，係一個泰式奶茶千層蛋糕，奶茶味超級龍。而且而且口感一流，媲美某大千層蛋糕連鎖店。重點係唔會好甜，食完都唔會有好大罪疚感。推薦而第二個最欣賞嘅食物係海鮮沙律，超級足料。相信如果女仔嚟食一個都已經夠飽啦，雖然只係一個前菜，但一啲都冇偷工減料，個份量係同一個主菜差唔多。而且啲海鮮都好鮮甜特別係嗰個帶子，十分欣賞。最後必點推薦主菜，一定要食嘅就係海鮮炒墨汁意粉。都係果句海鮮都係好鮮甜，而個重點係意粉個口感真係超級正，煙煙銀銀，而且仲係熱辣辣炒得好香。下次再嚟食一定會再點番呢一個炒意粉。