野川拉麵の深燒食堂

Open Now

Now Closed

呢幾日好凍，突然之間想食串燒同打邊爐，見到餐牌啲相都好吸引，所以就去試下。大頭蝦 $28大頭蝦隻隻都好大隻，而且外面灑咗一層海鹽先至燒，食囉鮮味十足。隻蝦個肚度仲有滿滿嘅蝦子，見到嘅時候真係好驚訝，因為好少喺出面見到會有蝦子嘅燒蝦。食落啖啖肉。好味！A4日本和牛 $148A4和牛都燒得好出色，大約五成熟，食落唔韌，好滑，好香牛味。蒜蓉燒扇貝 $28扇貝上面鋪咗超級多蒜蓉，鍾意食嘅一定食得好滿足，而且蒜蓉仲燒到金黃色，一擺上枱就超級香。脆脆鰻魚串 $42鰻魚唔係已經鋪咗醬汁嘅嗰啲，係燒白鱔，所以魚嘅鮮味仲保留住，而且魚皮非常Q彈，有滿滿嘅魚油。牛油蒜蓉焗蜆 $68啲蜆份量都好多，而且粒粒都好大隻，蜆肉亦都好Q彈鮮味，呢個一定要趁熱食！香蒜大茄燒 $38 呢個茄子燒喺餐牌見到相嘅時候就已經好想食。佢係原條茄子上面加咗蒜蓉，食落茄子肉腍晒而且保留住好多茄子嘅水份，食落好好味。軟殼蟹天婦羅 $ 72呢個一碟有兩隻軟殼蟹，切開一半，四個人一人一舊啱啱好。軟殼蟹出面嘅粉漿唔會好厚，而且食落香脆。