Video
Read full review
2018-08-23
744 views
放工先來黃雨，原本打算九龍城泰菜，突然間俾佢打亂了陣腳，最後大家決定轉軚去樂富。樂富廣場的 food square 出名夠多野食選擇，我地揀左 seafood stand 。皆因佢個menu 夠吸引，seafood platter 呀！我要食佢！場內是美式餐廳風格，食客不少，都幾熱鬧喎！海鮮拼盤 $228好震撼呀！多款式又豐富，隔離枱都忍唔住偷偷望左幾眼。拼盤有六種海鮮，以唔同的煮法炮製。分別有藍青口、蜆仔、海蝦、扇貝、酥炸魷魚圈同墨魚餅，中間位置仲有好味沙律菜添。值得一讚係佢D 貝殼類海鮮，都用少少秘製汁燒過，仲落左D辣粉，辣辣地好惹味。其中扇貝夠大隻，叉住來食啖啖肉好滋味。全部貝殼海鮮都係冇沙架 唯一唔太滿意係海蝦，其中有一隻唔太新鮮冇食。不過海鮮盤份量超大，都好夠食。另外佢的炸野都好正，食得出魷魚圈同墨魚餅都係即炸，唔係炸好左又翻熱果D，好有誠意。仲有沙律醬同泰式酸辣汁來點，都幾細心。呢個時候當然要飲返枝啤酒送吓D海鮮先夠盡興啦，我叫左枝生面口的「鬼佬」，個名都幾得意。Gwei Lo 鬼佬啤其實係本土出品的手工啤，口感清爽，有水果味，送海鮮拼盤冇得頂。真係幾好味，即刻上網sear
樂富廣場的 food square 出名夠多野食選擇，我地揀左 seafood stand 。皆因佢個menu 夠吸引，seafood platter 呀！我要食佢！
場內是美式餐廳風格，食客不少，都幾熱鬧喎！
海鮮拼盤 $228
好震撼呀！多款式又豐富，隔離枱都忍唔住偷偷望左幾眼。拼盤有六種海鮮，以唔同的煮法炮製。分別有藍青口、蜆仔、海蝦、扇貝、酥炸魷魚圈同墨魚餅，中間位置仲有好味沙律菜添。
海鮮拼盤
26 views
0 likes
0 comments
值得一讚係佢D 貝殼類海鮮，都用少少秘製汁燒過，仲落左D辣粉，辣辣地好惹味。其中扇貝夠大隻，叉住來食啖啖肉好滋味。
海鮮拼盤
20 views
0 likes
0 comments
全部貝殼海鮮都係冇沙架
唯一唔太滿意係海蝦，其中有一隻唔太新鮮冇食。不過海鮮盤份量超大，都好夠食。
另外佢的炸野都好正，食得出魷魚圈同墨魚餅都係即炸，唔係炸好左又翻熱果D，好有誠意。仲有沙律醬同泰式酸辣汁來點，都幾細心。
呢個時候當然要飲返枝啤酒送吓D海鮮先夠盡興啦，我叫左枝生面口的「鬼佬」，個名都幾得意。
海鮮拼盤
18 views
0 likes
0 comments
Gwei Lo 鬼佬啤
其實係本土出品的手工啤，口感清爽，有水果味，送海鮮拼盤冇得頂。真係幾好味，即刻上網search吓有冇得訂貨先。。。
鬼佬啤
6 views
0 likes
0 comments
巨峰提子梳打
朋友就對佢杯提子梳打有興趣，評語係大杯、夠凍、味濃，一個字「爽」喎！
巨峰提子梳打
10 views
0 likes
0 comments
韓牛旋風漢堡 $86
食完海鮮拼盤，已經飽飽地，但想再食返少少實在D的東西，所以我們叫左隻韓牛漢堡來 share 。仲加左12 蚊 add-on 一片菠蘿 ， 嘩
韓牛旋風漢堡
14 views
0 likes
0 comments
漢堡配料層層疊，疊到好高，令我諗起好耐之前玩過的疊漢堡game ，如果我地add on 多幾種材料，咁個burger 應該會更加壯觀
韓牛旋風漢堡
19 views
0 likes
0 comments
韓牛漢堡扒好好味，肉汁豐富有牛味；飽面皮脆，又有麵包味。中間夾左好多有醬的沙律菜，加埋件菠蘿，味道好有層次好 match。
最後歎埋個甜品朱古力雪糕，真係好滿足。
呢餐食左好耐，食到周圍食客都走了，又有另一種寧靜的氣氛......
服務幾好，侍應小妹有主動幫忙加水呀，換碟，俾紙巾等等
需要改善的係冷氣唔夠大，人多時有點熱。
Post
