阿爺八鮮鍋 (Closed)

今日約左同我一樣係大胃王嘅朋友去阿爺八鮮鍋到放縱一下 朋友話佢地新裝修完 仲有新menu 一定要去試試我地坐底左之後 店員先上湯比我地飲會有個爐仔滾住 幾得意 湯飲落夠哂熱🥢湯料充足 有髮菜、蠔豉、豬𦟌、冬瓜 好飲呢！然後就上雞煲雞煲有3款味 我地揀左最邪惡嘅🥢🧀芝士雞煲 一上枱已經見到滿滿芝士碎鋪滿係雞件上😍滾左仲拉哂絲 真係好正💯啲雞份量多 而且啲肉係好滑架 仲有啲紅洋蔥 配落芝士食好味道食完雞煲就到邊爐時間 我地揀左海鮮湯底 未烚其他野試左一啖湯 真係幾鮮味海鮮盤賣相好靚 有澳洲大龍蝦🦞、越南大虎蝦、蘇格蘭蟶子、蘇格蘭大元貝、臺山奄仔蟹、新鮮鮑魚 不誇張地講全部都好新鮮!食得岀係活海鮮 樣樣都鮮甜彈牙架💯真係值回票價而且任食餐牌上仲有好多唔同種類食物提供🥢龍躉片 厚肉鮮香🥢潮州珍珠蠔 唔好睇佢細細粒 全部都脹卜卜同埋好鮮味🥢河鮮魚標 大大粒 好少見任食有魚標🤭🥢新鮮木耳餃 新鮮芫荽餃 呢兩款餃好好味🥢安格斯牛肉 充滿牛香味 油脂分布均勻仲有好多其他食物都係好好味 食材新鮮高質大家可以去一試