Video
Read full review
2022-09-30
29 views
好耐冇食鐵板燒啦，今日男友生日，食下好嘢慶祝下。左揀右揀之後，見御鐵板燒評價唔錯，決定試一試啦🤤我哋揀咗Dinner Set E🍽$2988 2人前先來一個🥗煙三文魚野菜沙律🤭有三種汁選擇，番茄🍅蒜汁，柚子汁同 芥末醋，其實三款聽落都好開胃，我就揀左我最愛嘅番茄蒜汁🫶沙律菜，日本番茄🍅，青瓜🥒爽脆新鮮，🍅再配埋煙三文魚，酸酸甜甜，我個肚已經準備好裝住嚟緊嘅美食🤣🤣北海道鮮帶子配魚子醬帶子好厚身❤️，食落鮮嫩啖啖肉，上面加左矜貴嘅No.2鱘魚子醬，質感creamy, 佢嘅海水鹹鮮味更能帶岀帶子嘅鮮味🥰日本黃瓜🥒juicy，再索埋個菠菜汁，味道升級。紫蘇花和葉可以做個dish嘅裝飾之餘仲可以同帶子一齊食🫶，紫蘇葉獨特嘅味道同帶子好夾，別有一番風味😋🥢南非活鮑魚配海苔醬鮑魚好大隻，睇住師傅將鮑魚於鐵板上煎，鮑魚不停掙扎，雖係殘忍😟，但代表隻鮑魚好新鮮🙈👍🏼鮑味重，鮑魚本身海水鹹鮮味都夠，師傅只係加了少少🤏鹽去烹調。食落口感軟腍又彈牙，唔會又實又韌🥰，火喉拿捏得相當好，要讚一讚下個海苔忌廉汁，香滑濃厚，沾一啲上鮑魚，好match!!鮑魚肝比鮑魚嘅味更重更香，仲有啲回甘嘅味道。伴碟有雞冠海海藻，有
左揀右揀之後，見御鐵板燒評價唔錯，決定試一試啦🤤
我哋揀咗Dinner Set E🍽$2988 2人前先來一個🥗煙三文魚野菜沙律🤭
有三種汁選擇，番茄🍅蒜汁，柚子汁同 芥末醋，其實三款聽落都好開胃，我就揀左我最愛嘅番茄蒜汁🫶
沙律菜，日本番茄🍅，青瓜🥒爽脆新鮮，🍅再配埋煙三文魚，酸酸甜甜，我個肚已經準備好裝住嚟緊嘅美食🤣🤣
北海道鮮帶子配魚子醬帶子好厚身❤️，食落鮮嫩啖啖肉，上面加左矜貴嘅No.2鱘魚子醬，質感creamy, 佢嘅海水鹹鮮味更能帶岀帶子嘅鮮味🥰
日本黃瓜🥒juicy，再索埋個菠菜汁，味道升級。
紫蘇花和葉可以做個dish嘅裝飾之餘仲可以同帶子一齊食🫶，紫蘇葉獨特嘅味道同帶子好夾，別有一番風味😋
🥢南非活鮑魚配海苔醬鮑魚好大隻，睇住師傅將鮑魚於鐵板上煎，鮑魚不停掙扎，雖係殘忍😟，但代表隻鮑魚好新鮮🙈👍🏼
鮑味重，鮑魚本身海水鹹鮮味都夠，師傅只係加了少少🤏鹽去烹調。食落口感軟腍又彈牙，唔會又實又韌🥰，火喉拿捏得相當好，要讚一讚下個海苔忌廉汁，香滑濃厚，沾一啲上鮑魚，好match!!
鮑魚肝比鮑魚嘅味更重更香，仲有啲回甘嘅味道。伴碟有雞冠海海藻，有豐富嘅骨膠原，入口爽口，當然就食哂佢唔好浪費😙
🦞西澳龍蝦配海膽汁龍蝦係魚缸新鮮撈起，師傅三兩下手勢就能輕易地將龍蝦拆殼👍🏼，煎至七至八成熟，再加上一朵小玫瑰花做靚靚點綴就食得喇，入口爽嫩又鮮甜🤩 ，讚！
龍蝦頭嘅蝦膏攞嚟整埋個汁，成隻龍蝦嘅精華都喺晒度，每一個部份都冇浪費，再加入海膽和牛油，令成個汁更加creamy同邪惡😋
🦢香煎法國鴨肝好大件鴨肝🥹，外層煎至微脆，入口即化，不過油份會比較多，可以夾埋下面嘅青蘋果🍏薄片或黑醋一齊食，味道清新又去膩。
🐄熊本縣A5和牛厚燒油花好靚，捲住香葱炸蒜，煎到五成熟左右就上碟喇，整道菜都好惹味，牛肉入口即溶，伴隨爽口嘅葱，不斷衝擊味蕾🥹，好好食。
另一款係厚燒，煎至五成熟左右，加少少🤏竹炭鹽已經好正。
原來加wasabi同和牛好夾，wasabi中和咗和牛嘅油份後味道變得冇咁濃烈而且味道有驚喜食起上嚟有另一番風味👍🏼伴碟嘅蒜片脆卜卜，夾住同和牛一齊食，口感都唔錯。
🐟昆布鰹魚湯食咗咁多油膩嘅嘢，飲返一碗熱辣辣嘅鰹魚湯就最適合不過，暖胃又去膩🥰。湯底清澈唔油膩，配料有有海藻水草本菇同有隻刺身級北寄貝，個湯味道清甜帶甘🤩。
三文魚籽海膽炒飯飯粒粒飽滿有咬口，同蛋一齊炒至乾身，配料有蝦🦐，帶子，蜆，蔥，紅蘿蔔粒，之後再淋上三文魚籽，鮮甜爆汁，再鋪上兩層海膽，鮮甜軟滑，真係想叫師傅比多少少😆
甜品係柚子雪糕🍦，味道酸酸甜甜，再整番杯熱檸水，消滯解膩好幫手。
今晚真係好豐富，食到捧住個肚走🙈🙊
Post
