百味鮮辣蟹專門店 (Closed)

放假前，食餐好既，係FACEBOOK 知道有啲預訂既菜，早2日已經訂左龍蝦，蟶子，由於訂左位，去到都唔係使等。 我地只係得三個人，開頭只係叫左啲，但真好好味，樣樣都想試下，叫下叫下三個人食左8個餸，真係有啲誇張，食完真係飽到想再去食糖水都食唔落芥香雲耳，好開胃既前菜，酸酸地加埋WASHABI，都幾過癮上湯龍蝦煎米粉底，呢個餸預定既，不得了，龍蝦食得出好新鮮，彈牙爽甜，伊麵底食得多，煎米粉底都係第一次食，我覺得仲好食，米粉煎到脆香，加埋啲汁，正到爆濃湯桂魚片，桂魚滑得黎無泥味，我地連個湯都飲埋，有小小胡椒味，下面仲有啲粉絲同豆卜，吸晒啲味，更加入味。呢度食既蟶子皇比我之前食既大隻，粉絲都比較多，金銀蒜蒸係我覺最好食既，蟶子鮮甜爽口，無蒸過籠，食完真係想ENCORE 多2 隻因之前有煎米粉底又有粉絲，本來無諗住叫既，但因為見到隔離叫，聞到好香，問下係乜東東炒飯，原來係黑松露蛋白炒飯，係已經好飽既情況下，我地每人都再食多2碗仔.....仲有個菜樹菇雞湯無影相, 哈哈食埋個飯，真係飽到上心口啦，好滿足，攞左咭片，見到有好多預訂菜式都好吸引，下次約多啲人一齊再黎食過。